BELLAVISTA

營業中

休息中

餐廳：BELLAVISTA地點：啟德AIRSIDE菜式：墨西哥菜餐牌：前菜、沙律、大厨精選、自家制比薩餅、漢堡、自家制意粉、甜品。飲品有多款酒類、奶昔、汽水、咖啡、茶。紐西蘭青口及貝殼桶 $175 另加一有七隻連殼紐西蘭青口，蜆就有二十幾隻，質素可以，唔會太韌，個白酒汁都唔錯。配有兩片蒜蓉包。燒烤豬肋排半份 $178 另加一燒烤豬肋排超大份，一共有八枝骨，肉好易切開離骨，面頭燒烤醬夠味，灑上黑白芝麻粒更香口。下底有好多炸薯條，仲配有一兜茄汁比你點薯條。呢道主菜勁飽肚。Mango Smoothie $75 另加一超大杯，滑溜唔假芒果smoothie面頭加上一粒車厘子，好解渴。Berries Smoothie $75 另加一就係紫色，味道係好香甜藍莓味，面頭一粒車厘子同藍莓，我更加鍾意呢杯，好解渴又好飲。服務員好友善，用餐環境好chill，基本上係半露天，好有外國feel。