去啟德麵堂食晚飯，成個裝修走東南亞路線，木系傢俬配少少綠色植物，舒適好坐。
滷肉燥飯-泰滷豬手流心蛋，豬手炆到好冧，啖啖肉夾埋啲膠質位，煙靱又入味，滷肉燥鋪滿白飯，醬汁鹹香帶少少甜，配埋流心蛋撈飯。
馬來喇沙湯烤雞扒流心蛋摻摻，色澤好吸引，椰香同咖喱味好夾，好濃郁但唔會膩口，微辣收尾好爽口。烤雞扒煎得好香口，外面微微焦香。
魚露炸雞翼炸到金黃香脆，外皮薄脆，咬落去即刻聽到「卜」一聲。
街頭炸腐皮肉籽，外層腐皮炸到好香脆，內裡肉餡實淨但唔乾。
炸豆腐配魚酸汁，豆腐外層微脆，入面好嫩滑，配上酸酸甜甜嘅魚酸汁好惹味。
娘惹大蝦，蝦身彈牙，啖啖肉又Juicy。
娘惹芽菜（參巴辣）」，芽菜爽口冇渣，參巴醬甘香微辣。
柚子鮮薄荷紅茶，茶味清爽，帶住柚子嘅清香同少少果肉感覺，入口鮮甜又帶微酸。
青檸鮮薄荷梳打，梳打氣泡好細緻，青檸酸度夠但唔刮喉，配薄荷好清新。
