影片
更多
2025-06-23
165 瀏覽
啟德零售館新開咗，大家都話要去行個圈睇吓有咩新搞作。成個零售館都好多嘢行 同好多餐廳，其中「GoNuts」最吸引我哋注意。餐廳位置夠便利，就喺停車場旁邊，泊車無難度。入到去，首先見到一幅用一千個網球砌成嘅牆，真係令人眼前一亮，打卡影相絕對唔會失手。食物方面，今次點咗幾款新品，每款都好有驚喜「火山熔岩芝士比薩」係芝士控必試，拉絲力十足，芝士濃厚但唔會膩，仲可以自選配料。如果揀羅馬白比薩，更可以加$40升級火山熔岩芝士，真心抵試。「番茄牛肉醬意大利飯」牛肉醬香濃，番茄味道鮮甜，飯粒軟硬適中，食落口感一流「秘製沙嗲醬雞串窩夫三文治」入面沙嗲醬惹味，雞串嫩滑，窩夫香脆，組合得意又夠飽肚。飲品方面，「士多啤梨奶昔」清甜順滑，果味濃郁，飲落真係幾爽口。問一問餐廳先知，佢哋有甜品畫碟服務。如果生日過嚟食可以提前打電話預約服務，佢哋就可以喺甜品上面畫上Happy birthday嘅字樣，下次可以同朋友過嚟慶祝生日 (⁎⁍̴̛ᴗ⁍̴̛⁎)！
食物方面，今次點咗幾款新品，每款都好有驚喜
「火山熔岩芝士比薩」係芝士控必試，拉絲力十足，芝士濃厚但唔會膩，仲可以自選配料。如果揀羅馬白比薩，更可以加$40升級火山熔岩芝士，真心抵試。
「番茄牛肉醬意大利飯」牛肉醬香濃，番茄味道鮮甜，飯粒軟硬適中，食落口感一流
「秘製沙嗲醬雞串窩夫三文治」入面沙嗲醬惹味，雞串嫩滑，窩夫香脆，組合得意又夠飽肚。
飲品方面，「士多啤梨奶昔」清甜順滑，果味濃郁，飲落真係幾爽口。
問一問餐廳先知，佢哋有甜品畫碟服務。如果生日過嚟食可以提前打電話預約服務，佢哋就可以喺甜品上面畫上Happy birthday嘅字樣，下次可以同朋友過嚟慶祝生日 (⁎⁍̴̛ᴗ⁍̴̛⁎)！
張貼
