金麥泰泰國菜館

營業中

休息中

超耐冇嚟過九龍城食嘢，而家開咗宋王臺站，真係方便好多。雖然唔食得辣，但都想感受下久違的泰國風味，所以都係叫啲唔辣嘅黎食😆。✨泰式蝦膏炒飯：叫咗個細份量嘅，一個人啱啱好。個飯有淡淡既蝦膏嘅味，撈埋肉鬆甜甜地幾好食，入面仲有豆角粒同埋臘腸，味道幾豐富，蝦肉都夠爽甜。✨泰式蒜蓉雜錦菜：蒜蓉嘅香味加上甜甜嘅醬汁好好味，雜菜有西蘭花、椰菜、芥蘭、生菜、秀珍菇、紅蘿蔔，送飯唔錯。✨泰式咖喱炒軟殼蟹：都真係幾大碟，不過兩個人食都食得晒.雖然走咗辣但係個咖喱汁都好正，有椰汁嘅香味，再叫多碗白飯撈汁一流。軟殼蟹啖啖肉索晒醬汁，配料仲有洋蔥青紅椒，仲可以加配蒜蓉包又或者酥油餅。✨椰青大大個好清甜，食完濃味嘢最啱就係飲佢清下熱，本身想再叫甜品，不過實在太飽了。真係好耐冇食過泰國嘢，呢間質素真係唔錯，下次人多可以再嚟試多啲嘢。