影片
更多
2016-09-15
635 瀏覽
成日諗起川菜嘅時候都會想返去大陸食，原因係覺得大陸啲川菜會正宗d，同埋價錢會相宜d。因為我試過喺香港食幾次，價錢又貴又唔好食，難得今次朋友話想試試，就試下。去到見到好多人都係以食水煮魚為主，水煮魚一盤個份量超大，係一人套餐嚟嘅，一份好大嘅水煮魚仲有一碗白飯。咁跟住我哋睇個菜單見到其實有好多唔同嘅小菜可以選擇，咁我哋選左兩個套餐。水煮魚--一黎到個顏色已經好鮮艷，上面全部都係辣椒，跟住佢見到有好多魚肉，份量好大，撈起過嚟睇入邊仲有魚身喺度，我個人覺得起碼有半條魚。呢個份量其實兩個人食都已經夠，成個套餐加埋白飯先50幾蚊，抵！味道方面，只可以形容為超正宗嘅四川風味，同我喺內地食嘅水煮魚味道非常相似，可以講話係有過之而無不及。魚肉十分之滑溜，完全一啲鞋嘅感覺都冇，而且已經充分吸咗水煮嘅味道，食落去非常之鮮味而且水煮魚下邊亦都有一d芽菜，木耳，十分足料，正，正，正！另外仲叫咗一個口水雞，呢度嘅口水雞亦都十分之好食，醬汁有麻香，辣椒香同蒜香，味道重。而雞起碼有4分之一隻，咬落去肉好煙韌有口感。另外仲叫咗個涼拌木耳，涼拌木耳上面仲伴有好多莞茜同葱，夾住食落去會更加香口，而且味道唔算好酸，小小酸嘅味
去到見到好多人都係以食水煮魚為主，水煮魚一盤個份量超大，係一人套餐嚟嘅，一份好大嘅水煮魚仲有一碗白飯。咁跟住我哋睇個菜單見到其實有好多唔同嘅小菜可以選擇，咁我哋選左兩個套餐。
水煮魚--一黎到個顏色已經好鮮艷，上面全部都係辣椒，跟住佢見到有好多魚肉，份量好大，撈起過嚟睇入邊仲有魚身喺度，我個人覺得起碼有半條魚。呢個份量其實兩個人食都已經夠，成個套餐加埋白飯先50幾蚊，抵！
味道方面，只可以形容為超正宗嘅四川風味，同我喺內地食嘅水煮魚味道非常相似，可以講話係有過之而無不及。魚肉十分之滑溜，完全一啲鞋嘅感覺都冇，而且已經充分吸咗水煮嘅味道，食落去非常之鮮味而且水煮魚下邊亦都有一d芽菜，木耳，十分足料，正，正，正！
另外仲叫咗一個口水雞，呢度嘅口水雞亦都十分之好食，醬汁有麻香，辣椒香同蒜香，味道重。而雞起碼有4分之一隻，咬落去肉好煙韌有口感。
另外仲叫咗個涼拌木耳，涼拌木耳上面仲伴有好多莞茜同葱，夾住食落去會更加香口，而且味道唔算好酸，小小酸嘅味道令人更開胃。
呢到仲有台式嘅飲品，好似珍珠奶茶甘可以叫，絕對唔會怕食得太辣，嘢都講唔到，飲一杯包你辣氣全消。
我覺得呢到最好嘅係可以每一樣嘢都有一人份量，絕對唔使怕一個人就食唔到自己想食嘅野，而且呢度嘅價錢實在係十分之抵，五十幾蚊就有一個午餐，款式又有好多選擇，絕對唔怕食川菜一定要食好貴先至食到，可以隨時隨地食。
張貼
