燒肉LIKE (英皇鐘錶珠寶中心)

營業中

休息中

有日喺銅鑼灣工作完，諗住食個Lunch，見到樓下有人派傳單，心諗好似幾抵食喎，就試下啦。呢到係手機落單，然後用信用卡或者八達通俾錢。佢有幾款唔同既套餐俾你揀，有牛，有豬，有雞，任你選擇，之後有啲醬汁俾你點呢到可以加$25轉套餐，或者單點都得，而我就揀左三部合奏套餐（有豬五花腩，雞腿肉同埋豬頸肉）。嘩，啱晒我呢啲食肉獸啊。而且個套餐可以揀沙律或者泡菜，個飯可以揀白飯或者紫菜溫泉蛋飯，個湯唔洗揀，係包埋嘅，揀完之後就可以燒㗎啦。食燒肉，點可以冇嘢飲呀，我叫左蜜桃茶，滿足嘅一餐，下次再食過。