金河小廚

營業中

休息中

一家4口唔想辛苦婆婆煮出去食就最方便， 我地近近係荃灣楊屋道果頭食呢間叫金河餐廳小廚。我地先點選左一份二人套餐👇👇👇是日精選鮮魚係涼瓜倉魚， 熱天食涼瓜啱哂清熱解毒，倉魚煎香後加上涼瓜去煮夠哂入味喎，仲有魚香紅燒滑豆腐煲，豆腐一粒粒超滑溜，加上小小肉碎拌飯一流，套餐仲包兩碗白飯。另外仲叫左三文魚腩（3件），厚身腩位夠哂鮮甜肥美。椒鹽鮮魷正常發揮， 海皇粉絲雜菜煲呢個份量十足，啱哂唔鍾意只食一款菜的人，因成煲裡有幾款菜總有一款啱你心水。呢到仲有提供包房服務的，下次父親節可以考試下呢到喎。