咖啡亭 (已結業)

朋友的生日飯，懷著膽粗粗的心態試呢間餐廳，如果唔好食的話，真係唔係好對得住生日的朋友。到達餐廳的時候，侍應有禮地招呼我哋入坐，第一個感覺係：真係幾細噃！一百個座位都無。待侍應送上水後，我哋就開始出動攞食物。魚生的種頪都算多，因我不吃生，只聽朋友說幾新鮮唔錯，另有龍蝦仔及翡翠螺；冷盤方面有幾款新鮮生菜、蕃茄水牛芝士、粟米、生蘑菇、雞腰豆、青蘋果青瓜沙律……醬汁幾款以供選擇。熟食方面，有佢哋的主打咖哩，有四款配白飯或印度薄餅，D咖哩都幾辣，另有燒牛肉、雞粒炒飯、炒麵、卡邦尼亞煙肉意粉、香煎魚柳、日式雞扒、义燒、炒雜菜、白汁海鮮、炸薯角等……估佢唔到，每款食物都幾好食。餐湯有老火黃瓜湯，淡淡地，周打蜆湯就一般，麵包唔錯。湯粉麵我無試，no comment!甜品有藍苺cheese cake、朱古力蛋糕、咖啡蛋糕、清酒白提子蛋糕、麵包布丁、朱古力噴泉、椰汁西米露、pancake、西瓜、蜜瓜、哈密瓜、蘋果汁、橙汁等等……pancake好食，最特別係有一部軟雪糕機，可以自己唧，似雪糕車的味道，好玩又好食。驚喜仲唔止一樣，食飽飽之後，同waiter講一聲，就可以上40樓的空中花園欣賞維港美景，涼風送爽