海南少爺 (已結業)

臨時約咗朋友食飯，係冇任何planning同預約嘅情況下入到去食。佢哋嘅茶有荔枝香，幾特別。嘢食選擇都幾多，價錢都尚算合理。叫咗海南雞，烏頭魚，上湯菜心，炸蝦棗，薄餅。樣樣味道都唔錯，最出色係條魚，夠新鮮。隻雞都好滑好大隻。仲包埋兩碗飯同兩碗湯，份量好夠。個蝦棗我就覺得一般般，可能因為落咗馬蹄，我本身唔太好。薄餅一定要趁熱食，凍咗會有少少硬。但係個咖哩汁味道都幾香，唔會好辣。我哋仲要咁啱有得坐窗邊，有埋海景睇真係唔錯。