陳漢記 (已結業)

是日星期三，要入大埔，就問下大埔人火車站附近有乜好食。佢話呢間煲仔飯好食，點知原來要夜晚六點後先有。但見到呢度啲人話啲牛坑腩同腸粉都好食。心諗呢間嘢有冇咁勁呀？咁多唔同嘢都好食？！12點半黎到唔洗等位。三個人一張大檯啱曬我哋黎試嘢！粉麵鋪黎講佢都幾乾淨。牛坑腩撈粗：個人好少食牛坑腩。但覺得呢個幾好食，唔太肥，有咬口但又唔太韌，但偏咸。我已經用好少蠔油都覺得咸。麵我麻麻，對我黎講太淋。崩沙腩麵：鐘意食呢個腩多啲，因為呢個牛味重啲。質感就同同上面嗰個一樣好。蝦腸：腸粉皮有啲失望，有啲鞋口。但個蝦好大隻仲要好新鮮。完全冇雪味。炸兩：失望地係凍左嘅。不過食得出新鮮。有油炸鬼就唔覺個腸粉唔太滑，所以呢個好食啲。炸魚皮：好味。脆同香，唔會覺得好油。不過佢係薄片嘅，如果係厚會更好食。同埋細碟真係好細碟，得幾塊。總結：無想像中咁好。呢個價錢算唔錯。可以一試。