川味香

營業中

休息中

紅磡好多野食，咁岩經過串燒店，又有幾多人食，就決定今晚食呢到! 串燒價錢OK，都幾多選擇。叫左蒜蓉燒茄子，燒肥牛金姑卷，沙嗲雞肉串同埋薄燒牛舌。因為朋友唔太食得辣，我地叫左原味唔辣，不過都好惹味，唔會因為唔辣就冇咩味! 蒜蓉燒茄子勁大條! 好重蒜，好岩鐘意重口味的人。沙嗲雞肉串既沙嗲味都好濃! 燒韭菜同燒土豆片都好好食! 幾好呢到有得叫燒雜姑，咩都有D咁，有金針姑，娃娃菜，雞髀姑。花甲粉比較多湯，冇咩濃味，入面仲有配料係金針姑，娃娃菜，蜆既數量都好多，幾抵食。勁鐘意食燒賣既我叫左燒燒賣，表面係蜜糖燒，好正!