更多
2025-06-01
188 瀏覽
外面天氣咁熱,諗住商場搵下野食,原來上水廣場入面開左間泰國餐廳,裝修都有幾分曼谷商場既感覺。泰式咖哩炒大頭蝦 (5月優惠價$99)上枱一d都唔馬虎,大頭蝦有成手掌咁大隻,就咁望一眼真係細龍蝦小小,而且仲好多咖哩汁,即刻加單要左碗白飯撈汁食。金磚蒜蓉包 $40蒜蓉包同坊間非常唔同,唔係一片片,而係一大件一大個,麵包每一面都搽滿蒜蓉牛油汁再焗,入口啖啖蒜香味之餘餐廳再配上黃咖哩同青咖哩配麵包,非常邪惡。炭燒沙嗲串$88/6串串燒即叫即燒,火喉控制好好,肉質唔會乾,食落juicy,而且本身肉都醃得好夠味,鍾意食肉既唔可以錯過。馬拉盞炒椰菜苗 $98小菜炒得夠鑊氣又夠惹味,椰菜苗入口爽脆又多汁,份量仲唔小,2-4人食都絕對足夠。珍多冰 $35餐廳配合香港人口味,唔會整得太甜,入口充滿椰汁味,夠晒消暑。椰青 $48原個椰青即叫即開,滿滿既椰青水,夠晒新鮮解渴,仲可以刮埋椰青肉,肉質爽彈,夠晒滿足。
泰式咖哩炒大頭蝦 (5月優惠價$99)
上枱一d都唔馬虎,大頭蝦有成手掌咁大隻,就咁望一眼真係細龍蝦小小,而且仲好多咖哩汁,即刻加單要左碗白飯撈汁食。
金磚蒜蓉包 $40
蒜蓉包同坊間非常唔同,唔係一片片,而係一大件一大個,麵包每一面都搽滿蒜蓉牛油汁再焗,入口啖啖蒜香味之餘餐廳再配上黃咖哩同青咖哩配麵包,非常邪惡。
炭燒沙嗲串$88/6串
串燒即叫即燒,火喉控制好好,肉質唔會乾,食落juicy,而且本身肉都醃得好夠味,鍾意食肉既唔可以錯過。
馬拉盞炒椰菜苗 $98
小菜炒得夠鑊氣又夠惹味,椰菜苗入口爽脆又多汁,份量仲唔小,2-4人食都絕對足夠。
珍多冰 $35
餐廳配合香港人口味,唔會整得太甜,入口充滿椰汁味,夠晒消暑。
椰青 $48
原個椰青即叫即開,滿滿既椰青水,夠晒新鮮解渴,仲可以刮埋椰青肉,肉質爽彈,夠晒滿足。
張貼