影片
更多
2010-05-07
1541 瀏覽
為返港親友薦行，朋友一早訂定位，重要求廚房煮左一味夜上海餐牌冇既餸。環境：滿分:入到門口，感覺好優雅，好高級，可能因為樓面高，裝修靚，以為自己去左間五星級酒店。幾鍾意佢中間半樓梯既設計，因為枱同枱之間其實好近，但係可以用高度同扶手黎隔住，好有諗頭。近窗既位置有景睇，埋邊既卡位都好似幾好坐。服務：滿分所有人都好有禮貌，有問必答，有求必應。女士門冇位放手袋，佢地會攞張櫈仔黎。食野中途好多時個碟會好多骨或者好多汁，唔洗你叫佢地都會好細心咁幫你換碟。全晚最感動既係因為離港既親友好鍾意食上海名菜之一既ＸＸ（為免有人受責，所以唔好意思唔可以寫明食左乜），但係餐廳講明冇，不過幾經我地哀求，佢就破例煮比我地食（但講明只此一次），當然係超好食啦。味道：我成日覺得上海餸比較肥膩，不過嗰晚夜上海煮出黎既食物好食得黎完全唔肥膩，感覺健康左。所以更加要比滿分 馬蘭頭：夠乾身，切得夠幼細，味道清中帶甜，好啱好似我唔係好鍾意食菜既人。 醉雞：新鮮雞做，所以雞骨帶紅（阿媽教睇既）。酒味啱啱好，唔會太少又唔會太濃。 清炒蝦仁：嘩，d蝦好細粒呀。友人話係河蝦黎既，唔係到到有得食，因為mock蝦殼都mock到手軟唔係到到都
環境：滿分:
入到門口，感覺好優雅，好高級，可能因為樓面高，裝修靚，以為自己去左間五星級酒店。幾鍾意佢中間半樓梯既設計，因為枱同枱之間其實好近，但係可以用高度同扶手黎隔住，好有諗頭。近窗既位置有景睇，埋邊既卡位都好似幾好坐。
服務：滿分
所有人都好有禮貌，有問必答，有求必應。女士門冇位放手袋，佢地會攞張櫈仔黎。食野中途好多時個碟會好多骨或者好多汁，唔洗你叫佢地都會好細心咁幫你換碟。全晚最感動既係因為離港既親友好鍾意食上海名菜之一既ＸＸ（為免有人受責，所以唔好意思唔可以寫明食左乜），但係餐廳講明冇，不過幾經我地哀求，佢就破例煮比我地食（但講明只此一次），當然係超好食啦。
味道：我成日覺得上海餸比較肥膩，不過嗰晚夜上海煮出黎既食物好食得黎完全唔肥膩，感覺健康左。所以更加要比滿分
馬蘭頭：夠乾身，切得夠幼細，味道清中帶甜，好啱好似我唔係好鍾意食菜既人。
醉雞：新鮮雞做，所以雞骨帶紅（阿媽教睇既）。酒味啱啱好，唔會太少又唔會太濃。
清炒蝦仁：嘩，d蝦好細粒呀。友人話係河蝦黎既，唔係到到有得食，因為mock蝦殼都mock到手軟唔係到到都肯哂時間。好清甜好好食呀！必吃推介！完全唔油膩，連醋都唔使落。正到dum dum dum!!!
片皮鴨：所有皮都已經去哂肥，好脆好乾身，冇得彈。
鴨鬆：切得啱size，炒得夠乾身，一d都唔油，味道唔會過濃，唔用個包食都唔會覺得咸。讚!
奶油津白：原本聽到個名已經覺得好肥，但係黎到見到個賣相幾ok，所以就試下啦。雖然話係用奶油做，但係唔會成口油，而且都唔係好奶姐，可以用清甜黎形容bor，真係有少少意外。
小籠包：皮唔係我食過最薄既，不過都唔錯。餡夠熱，包入面既湯好清，所以唔會覺得個小籠包溜。我都食左三隻。
咸肉菜飯：因為食左三隻小籠包，所以自己食唔落，不過其他人話唔錯。
菜肉雲吞：可能其他餸太精彩，所以覺得依味餸有少少平凡。
非常滿意既一餐：滿分
張貼
