大丁小甜

營業中

休息中

本人去落單要一杯椰汁蘭香子$25，隨後馬上同女員工講轉做椰汁黑珍珠$23 ，女員工仲話黑珍珠係細粒嘅問我得唔得我話OK冇問題，佢整完同我講$25，我問佢唔係$23咩，佢話唔係$23係$25.用杯裝要加多兩蚊，佢仲帶我入舖頭睇所有用杯裝嘅都係$25 ，佢話唔會係$23，佢話如果你用碗裝就係$23我話咁你要幫我用碗裝啦，佢話都係兩蚊啫，唔好咁計較啦OK好問題我唔同佢計較。 我返到屋企後發現我嘅椰汁黑珍珠其實係椰汁難香子，我拎返去同佢講點解係椰汁蘭香子，佢話黑珍珠即係蘭香子，我話你兩個嘅價錢係唔同你咁樣做生意即係唔老實啦，跟住佢話一向都係咁樣要收多兩蚊我話你嘅價錢表都冇寫到，佢價錢表淨係寫外賣盒加一蚊杯裝除外，佢話唔使寫，不嬲都係咁樣，態度仲要超差，唔係為咗兩蚊雞，而係呢間野做街坊生意都咁唔老實。