嚐仙 (已結業)

行經過發現唔洗等，又有啲肚餓，咁就行咗入去了😂黃金地瓜泥仙草奶凍第一眼已經俾個地瓜泥吸引咗！唔知以為係雪糕，但其實係一球壓扁咗嘅地瓜😂佢同芋泥其實係兩兄弟，但佢冇芋泥咁濕，乾身啲，食起嚟都香啲！珍珠好香，黑糖味重，好煙韌！芋圓就夠肥大，五顏六色令到成碗嘢都好igable🤪唯一唔鍾意係佢個底太多冰，食到尾好凍。薑湯小丸子一號食完凍嘢，要食番啲熱嘅暖胃。呢個薑湯系列係冬日限定，食完暖笠笠🥰薑湯偏甜，不過我鍾意😂其他配料同上面嘅一樣，有芋圓、紅豆同珍珠，仲有小丸子。因為成碗都係麵團，所以細細碗都好飽肚下，食完飯食應該會好飽😂