貓抓烤肉

營業中

休息中

內地好紅既貓抓烤肉餐廳到香港啦💓唔洗坐長途車都食到！餐廳的裝修設計好特別，全部已貓貓為主題，圖片設計好彩色繽紛，睇得出成間餐廳嘅設計好有心機，為咗貓貓主題鬧鐘好多功夫，就連我哋叫嘅嘢食都係有關於貓貓嘅嘢🫶🏻我哋叫咗燒肉套餐，有貓貓罐頭上，一打開就有好多煙出嚟，設計好有驚喜，啱晒影相打卡，我哋趁佢啲煙未散，都係咁影相😚味道同內地一模一樣，燒肉好大舊，塊肉都係好似幅圖咁咁大舊，因為個貓貓罐頭真係好大個！連米飯都係用內地嘅米，北上食餐廳嘅感覺返晒嚟😚仲有午市超值套餐，見到都好好抵食，見到個套餐嘅飯餸都好大兜，我哋仲叫咗杯百香果茶，都大大杯，好香百香果同埋茶味，另外仲叫咗貓貓布丁，有甜品可以食😍