新沙洞澡堂 (已結業)

間中就會去新沙洞澡堂飲杯咖啡食個croffle 要數我至喜愛嘅cafe 呢度絕對係頭三甲之內🫶🏻相信大家對呢度嘅環境都唔會陌生 好多人特登過嚟打卡 以韓式澡堂為主題 特別之餘感覺亦好舒適☺️不過對我嚟講 呢度嘅食物比環境更加吸引 真係樣樣都好好食呢▫️韓式牛肉配秘製特濃牛乳辛辣麵我哋分別叫咗兩個午市套餐 呢款牛乳辛辣麵推出左冇幾耐🍜湯底落咗牛奶好creamy 奶味同辛辣互相平衡 十分夾 加埋炒過嘅洋蔥同牛肉 夠晒惹味食唔停🤤套餐可以用優惠價追加小食 要咗份韓式炸餃子 餡料十分飽滿 外層亦炸到脆卜卜🥟每次嚟都必飲維也納忌廉咖啡 味道啱啱好 唔會太甜 加上厚厚嘅忌廉泡沫 奶滑口感好正▪️韓式牛肉拌飯識食一定加埋雞蛋🍳菠菜/紫菜/芽菜/泡菜等等滿滿嘅配料 加埋韓式辣醬拌勻 簡單而滿足嘅韓式美食👍🏻牛肉份量仲好多 質地幾嫩 打咭飲品雪嶽山 其實係乳酸梳打 賣相真係超靚 ▫️蒜蓉豉油炸雞食韓國菜點少得炸雞 可以自選半份或全份 半份已經有6大件🐔蒜蓉同豉油味道平均 又唔會太膩 肉質juicy嫩滑雖然已經好飽 不過都要食甜品😂奶醬多croffle係我嘅不二之算 呢款港韓混合嘅滋味喺第二度食唔到㗎😌