是但求其食 (已結業)

元朗出左名多野食，今次explore左近朗屏比較少經過嘅地方。餐廳名同裝修都幾得意！首先嗰餐湯同餐包都不錯，個包係蒜蓉包嚟，好香蒜蓉味同個包烘得好脆。主菜方面叫咗個烤牙買加賤雞（$168），依個雞係用咗牙買加嘅香料嚟醃，係一種難以形容嘅味道，但又幾好食！而且烤得啱啱好，都幾滑。配埋薯條同菠蘿，都幾豐富。另外叫咗個香煎帶子墨魚汁意粉（$88），個帶子煎得啱啱好，唔會過熟。意粉都有驚喜因為都食到啲墨汁嘅鮮味，但個人覺得再濃味啲更正！嘢飲方面叫咗個鴨屎香檸檬茶（$38)，本身覺得有啲貴，但原來好特別，佢個茶底嘅味係茉莉味！好好飲！依間看似普通嘅餐廳但質素都幾好，值得推介！