華南粉麵茶餐廳

營業中

休息中

見到有人喺youtube推介，睇食評似乎都真係食牛腩嘅。所以特登嚟試一試。叫咗兩碗粉。一碗「坑腩」片頭米粉，另外一碗係普通「牛腩」牛肚米線。就係想特登試一試坑腩同牛腩嘅分別。唔試猶自可，試咗真係幾唔得。一開始先黎碗坑腩片頭米粉。個坑腩尚算普通，真係唔可以講到話超越同行水準。講真真係非常普通。如果你有期望而嚟，咁就必定失望。基本上係只可以形容為一碗普通牛腩米。坑腩普通，米粉普通，湯底普通，魚片頭係拎返嚟嘅。溯價$88，價錢反映碗大小。係大碗嘅！一定食得飽！但係除此之外，別無可取。再試一試玩普通牛腩牛肚米線。真係可以講話超唔得。嗰碗牛腩硬過柴，根本就係成碗牛腩都係「趙」唔落去。最奇怪嘅係，我叫碗牛腩牛肚米線。唔淨止啲牛腩好硬，竟然連啲牛肚都係硬骨骨嘅！成件事基本上就炆唔林！ 總之呢一間舖頭，一定冇下次。