Bostonian Seafood & Grill (已結業)

試左個Sunday Brunch, 加香檳八百幾一個人。頭盤選擇極小，其實就係ham芝士同沙律包，係咁多架啦。果塊黑芝麻薄脆係淋既，咬落好似隔左幾夜。海鮮得一碟唔係任食同水準極低，呢個價錢黎講完全接受唔到。d蝦細隻，同埋蝦殼係梅梅地淋㵉地，感覺貨源差或解凍過程有問題。基本上衰過放題水準。其它野都係set咁拎黎，有個炸尤魚圈炸魚，好咸好乾衰過M記。Main就普通水平，都唔係大份量。直頭相都癈事影。服務甩漏多，坐低比左水冇人比餐牌我，坐左10分鐘忍唔住主動問至有。個main都漏左，又係要問先有。無論食物水準同份量都對唔住個價錢同埋酒店級數。