南洋家

營業中

休息中

🔺 南洋家 (銅鑼灣)去開中央圖書館沿路行發現呢間細細地既鋪頭，係專做外賣，而且幾多款式同埋有唔同地方既菜式，有勁多選擇，大多數都係當地特色既小食，甜品等，岩晒我呢d 細食又唔中意食正餐既人😂🔻黑麵神（$38)入面有冬菇、雞蛋、豆干、肉碎，口感豐富，麵條好特別，食落去煙煙韌韌，但又未去到薯粉果種煙靭程度，呢個食起黎係舒服既～🔻芋頭西米露（$20)唔好睇少呢碗野，芋頭份量有成半碗咁濟，食完勁飽肚。🔻班蘭蛋糕（$20)呢間係我食過最重班蘭味既蛋糕，口感鬆軟，蛋味同班蘭味十足，好香，好軟屬，佢仲有原個斑斕蛋糕賣，好正👍🏻🔻竹蔗茅根水（$20)每日新鮮製造，睇到好足料，甜度清甜適中，健康之選。