影片
更多
2012-12-20
138 瀏覽
今次食飯係為咗慶祝媽媽生日及做冬. 好好好失望.去之前, 已經係OPENRICE睇過, 都知啲價非同小可, 不過唸住一家人, 豪吓啦! 點知超 唔值!!!我地7個大人, 2個BB, 入到去, 門口個小姐話, 我地只BOOK了7 位!! 我唔知佢地點做記錄囉! Anyway, 都入座啦, 一家人, 親蜜啲都OK. 點菜後 2 mins, 個待應又嚟覆單, 唔知佢乜事. 用筆寫記底都記唔清楚 !! 佢要覆單都OK, 但上菜時, 都仲係要問啲餐係邊位既, 乜咁都算高級餐廳?? (同你係茶餐廳, 個待仔攞住碟牛河, 大大聲問: 牛河邊位? 無分別) 仲有, 佢上菜時不斷係我個BB頭上邊過, 我好驚佢整親我BB 囉.到食物, 我地各叫了DINNER SET, 我的是 $1680/set, 是一個牛肉餐, 但可以講, 無個菜令人回味囉...1. 前菜 (冷盤) - 唔知係乜, 因為餐牌係日文, 而上菜亦都無人介紹... 應該係一啲 魚肝 (食落好似豬肝) , 有汁甜甜地; 仲有一舊白色嘢, 食落好似係啲腦既物體; 仲有兩舊好似希寧魚加魚子既嘢... OK, 冷盤無乜唔好食. 亦都無乜好食
去之前, 已經係OPENRICE睇過, 都知啲價非同小可, 不過唸住一家人, 豪吓啦! 點知超 唔值!!!
我地7個大人, 2個BB, 入到去, 門口個小姐話, 我地只BOOK了7 位!! 我唔知佢地點做記錄囉! Anyway, 都入座啦, 一家人, 親蜜啲都OK. 點菜後 2 mins, 個待應又嚟覆單, 唔知佢乜事. 用筆寫記底都記唔清楚 !! 佢要覆單都OK, 但上菜時, 都仲係要問啲餐係邊位既, 乜咁都算高級餐廳?? (同你係茶餐廳, 個待仔攞住碟牛河, 大大聲問: 牛河邊位? 無分別) 仲有, 佢上菜時不斷係我個BB頭上邊過, 我好驚佢整親我BB 囉.
到食物, 我地各叫了DINNER SET, 我的是 $1680/set, 是一個牛肉餐, 但可以講, 無個菜令人回味囉...
1. 前菜 (冷盤) - 唔知係乜, 因為餐牌係日文, 而上菜亦都無人介紹... 應該係一啲 魚肝 (食落好似豬肝) , 有汁甜甜地; 仲有一舊白色嘢, 食落好似係啲腦既物體; 仲有兩舊好似希寧魚加魚子既嘢... OK, 冷盤無乜唔好食. 亦都無乜好食.
2. 牛刺身 - 個樣好靚, 但食落好冰, 係有溶既FEEL, 不過完全無牛肉味. 可能我唔識欣賞啦!
3. 熱食牛腩 - 好普通的三片牛腩...
4. 主食燒牛肉加白飯 - 牛肉都算好食. 不過好多地方都食到, 好普通, 亦唔熱.
5. 雪糕 - 芝麻雪糕
總括嚟講, 完全唔值.
我老公就叫咗個 Sukiyaki 牛肉餐, 佢會一路煮, 一路上, 即係每次上幾片牛肉比你, 係熱熱的. 這安排OK. 但味就無特別喇, 同你係吉之島買支Sukiyaki 汁一樣... 呢個餐 $1380/set. 但返到屋企, 老公話好個牛肉鍋好喊, 要飲好多水.
其他家人, 無人話有特別好食既嘢囉...
總括嚟講, 完全唔值, 不用去試.
(服務, 以咁既價, 我係只會比0分囉, 呢度無得選0分, 謂有比1分.)
題外話/補充資料：
我地坐一個窗口位, 係見到出邊, 但個窗好blur, 你唔好期望會影到個夜景囉! 後生仔用眼睇OK. 老人家睇唔到架喇 !
仲有, 佢地放咗一啲TEA LIGHT 係窗邊度, 我外婆無為意, 放咗件羽绒係旁邊; 到走時, 家人一攞起件衫, 手指有啲燙傷咗, 而件羽绒亦有一個大洞!!
( 而家啱啱唸起, 入門口時, 好似見到一個大衣櫃, 但無人幫過我地掛衣服囉! )
講到底, 呢間完全唔可以一家大細嚟食! 老人家及小朋友都不應去!!!
(以上食評乃用戶個人意見 , 並不代表OpenRice之觀點。)
張貼
