膽粗粗幾個人去咗呢間新開嘅餐廳度食
呢間野喺荃灣南豐紗廠
需要事前WhatsApp預約
並且因為菜式製作繁複同埋需時
所以預訂是要揀埋野食
花雕酒糖心蛋 除咗雞蛋真係雞蛋外 面頭嗰啲魚子醬係齋黎嘅 酒味香濃 我哋最尾係有encore多一次🤣
跟住係煎鵝肝多士配黑醋無花果 呢個唔係講笑 真係超級似 無論係質地定係味道抑或係個樣都似 有時食真嘅鵝肝老實講嗰下爆油都幾油膩 但係呢個就冇咗嗰個問題配埋個清新嘅無花果汁 都真係好開胃
主菜我哋有叫到兩個漢堡包 白色嗰個叫暗然銷魂包 素肉係叉燒嚟 配埋啲青瓜絲洋蔥絲仲有隻蛋 我冇記錯嘅話嗰個麵包應該係饅頭嚟 成件事唔奇怪 食落都好惹味唔會乾爭爭 後面嗰個唔記得咗叫咩名 但係我會形容佢為好味版嘅巨無霸
全晚嘅重頭戲黎啦 喺威靈頓牛柳 聽店員解釋佢哋係跟足傳統嘅方法用咗幾十個步驟好多個鐘頭先整得出呢一條威靈頓牛柳 當然我有食過真嘅威靈頓牛柳 但係如果你話素食版本整到呢一個效果 完全係好OK 配埋個汁同埋薯蓉嚟食都好好味 佢哋認真到係連中間嘅煙肉啊蘑菇醬芥辣啊全部都跟足 咁當然全部都唔係肉🤣
其實去到呢度大家都好飽 但係都想試埋日式香蔥拖羅當 嗰啲魚子係假㗎 超級得意嘅質地 應該咁講其實啲拖羅都係假嘅🤣 拖羅有幾肥大家都知嫁啦 我諗呢個就係健康版本
今晚都仲有食到甜品不過唔記得咗影相 總括而言好值得試 不過唯一美中不足就係基本上如果你唔book枱嘅話你就一定冇得食 同埋佢哋淨係做晚市 店主話佢哋希望遲啲有機會可以做埋早午市 好老實講如果我食素都唔係因為啲咩冠冕堂皇嘅理由 如果啲嘢食唔好食嘅話我會寧願食返肉 但係呢間野好食囉 所以之後可以再食
