影片
更多
2023-01-04
125 瀏覽
📌 熊本燒肉 - 銅鑼灣謝斐道477-481號3樓🗓(4/1) 星期三 ⏰ 晚上6點左右 💈特式：之前有朋友介紹我食呢間任食燒肉，一直未有時間試，今日終於可以試到喇，但佢唔止燒肉咁簡單，我覺得係燒肉加放題，佢除左唔同級數嘅牛肉，豚/雞/海鮮可以燒之外，仲有好多前菜/沙律/熟食/炸物都係任食，加$28仲可以升級刺身都任食。🥩🍔🌭🌮🥗🥯🥘🍲🍝🍣🥟🍤🍱食物：今日本身就想試佢個$298熊本精選放題，但見加$38可以升級食澳洲和牛，咁抵梗係加埋啦，朋友介紹咁樣加應該係最抵食，而且可以選擇嘅食物已經唔少，等我同大家講下🇯🇵燒肉味道先。熊本精選放題 - 呢個餐我粗略計過有大約70款食物可以選擇，當中我揀左d我覺得好食或者比較少見嘅食物去推介比大家。燒物類 - 淨係燒物都已經有超過30款可以揀，我個人覺得最好食/抵食/少見嘅當然除左食澳洲和牛外，另外牛五花/側腹橫肌/肩胛肉/薄切牛小排/厚燒牛舌/牛柏葉/牛胃/豚護心肉/豚肩/雞軟骨/辣魷魚/大蝦都係幾高水準，真係淨係食燒物都食到飽，仲未計其他熟食，當中以厚燒牛舌同薄切牛小排最高質，直頭好過某d連鎖主打食燒肉嘅餐廳。沙律 - 沙律就有3款，我個人
🗓(4/1) 星期三 ⏰ 晚上6點左右
💈特式：之前有朋友介紹我食呢間任食燒肉，一直未有時間試，今日終於可以試到喇，但佢唔止燒肉咁簡單，我覺得係燒肉加放題，佢除左唔同級數嘅牛肉，豚/雞/海鮮可以燒之外，仲有好多前菜/沙律/熟食/炸物都係任食，加$28仲可以升級刺身都任食。
🥩🍔🌭🌮🥗🥯🥘🍲🍝🍣🥟🍤🍱
食物：今日本身就想試佢個$298熊本精選放題，但見加$38可以升級食澳洲和牛，咁抵梗係加埋啦，朋友介紹咁樣加應該係最抵食，而且可以選擇嘅食物已經唔少，等我同大家講下🇯🇵燒肉味道先。
熊本精選放題 - 呢個餐我粗略計過有大約70款食物可以選擇，當中我揀左d我覺得好食或者比較少見嘅食物去推介比大家。
燒物類 - 淨係燒物都已經有超過30款可以揀，我個人覺得最好食/抵食/少見嘅當然除左食澳洲和牛外，另外牛五花/側腹橫肌/肩胛肉/薄切牛小排/厚燒牛舌/牛柏葉/牛胃/豚護心肉/豚肩/雞軟骨/辣魷魚/大蝦都係幾高水準，真係淨係食燒物都食到飽，仲未計其他熟食，當中以厚燒牛舌同薄切牛小排最高質，直頭好過某d連鎖主打食燒肉嘅餐廳。
沙律 - 沙律就有3款，我個人覺得最吸引就係蟹肉蟹籽薯仔沙律。
前菜/熟食/炸物 - 呢d夾埋又有十幾廿款，不過我真係食唔到咁多野，所以只係試左清酒煮蜆/付味螺肉/厚燒玉子/吉列帶子/天婦羅炸蝦/茄子，每樣質素都有返咁上下，同埋每樣野上枱都係熱辣辣，直頭可以媲美坊間大型日式放題店。
甜品 - 甜品都有5~6款可以揀，朋友推介脆皮香蕉同棉花串，兩個都好得，另外仲試左流心芝士年榚都好好食。
☕️🍵🥤🧋🍺🍷🥃🍹🧉🍾🍶🥛
飲品 - 飲品係自助形式，自行去雪櫃揀選，有一壼壼茶同一般罐裝汽水/飲品，另外仲有額外收費嘅各種酒精類飲品，又或者加一個價錢可以任飲唔同牌子嘅生啤。
🍽環境：餐廳裝修好有日本feel，無論裝飾/擺設都睇得出好用心，亦有好多不同時代嘅日本動漫主題海報，可能會勾起大家嘅兒時回憶，餐廳抽風亦做得算唔錯，唔會好重油煙味，整體環境都整潔乾淨。
🤵🏻🤵🏻♀️🤵🏻♂️服務：全程係用QR Code落單，但一埋位職員都好用心介紹menu/飲品區/洗手間位置等等，態度認真唔錯，上菜/收碟速度都好迅速，亦無漏單/扣單情況出現。
💰💸價錢：只可以話$330人均任食澳洲和牛燒肉，仲包埋其他日式放題食品，質素又唔錯，相當合理抵食。
🐲💬總結：我覺得朋友今次真係無介紹錯，我估我都會推介比其他朋友，又或者約埋一大班人嚟食，應該會仲開心。
推薦指數：❤️❤️❤️❤️🤍
澳洲和牛
4 瀏覽
1 讚好
0 留言
張貼
