影片
更多
2023-08-13
4219 瀏覽
放假去APM行街，行到腳攰就去咗但馬屋食餐正嘅補充下腳骨力。見到佢哋做緊北海道夢之大地豚放題套餐（$299/per person）,套餐可以選擇北海道夢之大地豚肉、澳洲產長期穀飼牛、嚴選牛肉、丹麥皇冠豚肉等等，望落幾吸引。.同朋友一人叫咗一款湯底一個係骨膠原美肌鍋，一個係佢哋今期限定嘅蕃茄壽喜燒湯底🍅。美肌鍋裏面有少少雞肉，湯底純白濃郁，而蕃茄壽喜燒就好有驚喜，食落去酸酸甜甜，有少少蕃茄嘅自然酸香，好開胃。.所謂嘅夢之大地北海道豚，其實係由日本四個最佳豬種混種育成，其中包括有長白豬，大約克郡豬、杜洛克和伯克郡豬等等🐷。望落去色澤光鮮紅潤，肉味比一般嘅豬肉濃郁，而且無豬羶味，肉質鮮嫩有彈性，加上佢哋係食小麥和土豆為主，所以就相對更加健康，營養價值比普通嘅豬肉高，就算同和牛比都無失色。除咗夢之大地豚之外，佢哋整體嘅其他肉類都好唔錯，啱晒我呢啲食肉獸。.除咗肉之外出面仲有自助吧，有大量蔬菜烏冬麵同埋Häagen-Dazs雪糕等等。蔬菜方面推介大家試下貴價d嘅紫心蘿蔔羽衣甘藍等等，想要蕃茄壽喜燒湯底再濃啲嘅話，就可以加埋佢哋嘅蕃茄，佢哋嘅蕃茄好新鮮大塊，我都encore左唔少。.另外秋葵冬瓜都
見到佢哋做緊北海道夢之大地豚放題套餐（$299/per person）,套餐可以選擇北海道夢之大地豚肉、澳洲產長期穀飼牛、嚴選牛肉、丹麥皇冠豚肉等等，望落幾吸引。
.
同朋友一人叫咗一款湯底一個係骨膠原美肌鍋，一個係佢哋今期限定嘅蕃茄壽喜燒湯底🍅。
美肌鍋裏面有少少雞肉，湯底純白濃郁，而蕃茄壽喜燒就好有驚喜，食落去酸酸甜甜，有少少蕃茄嘅自然酸香，好開胃。.
所謂嘅夢之大地北海道豚，其實係由日本四個最佳豬種混種育成，其中包括有長白豬，大約克郡豬、杜洛克和伯克郡豬等等🐷。望落去色澤光鮮紅潤，肉味比一般嘅豬肉濃郁，而且無豬羶味，肉質鮮嫩有彈性，加上佢哋係食小麥和土豆為主，所以就相對更加健康，營養價值比普通嘅豬肉高，就算同和牛比都無失色。除咗夢之大地豚之外，佢哋整體嘅其他肉類都好唔錯，啱晒我呢啲食肉獸。
.
除咗肉之外出面仲有自助吧，有大量蔬菜烏冬麵同埋Häagen-Dazs雪糕等等。蔬菜方面推介大家試下貴價d嘅紫心蘿蔔羽衣甘藍等等，想要蕃茄壽喜燒湯底再濃啲嘅話，就可以加埋佢哋嘅蕃茄，佢哋嘅蕃茄好新鮮大塊，我都encore左唔少。
.
另外秋葵冬瓜都可以令酸酸甜甜嘅蕃茄壽喜燒湯底更添清新。澱粉控可以試下烏冬加麻醬，或者粉糯綿綿嘅芋頭，都非常不錯。
張貼
