澳門茶餐廳

營業中

休息中

星期五放工去尖沙咀行街，見到有呢間澳門茶餐廳，啱晒我心水，唔使去澳門都食到澳門美食😋仲要呢度每日都有新鮮海鮮供應，勁正👍🏻薑蔥炒大肉蟹 $528店員推介嘅肉蟹真係好大隻，新鮮鮮味，啖啖肉，特別蟹蚶啲肉真係一索索👍🏻鑊氣勁好，薑蔥勁香😋招牌軟骨皇子鴿 $54乳鴿新鮮炸起，皮香肉嫩，一撕開啲肉汁就滲出嚟，戴上手套用手食真係好滋味😋招牌咖嚦牛腩 $80唔怪之得係招牌， 咖喱真係好惹味，牛腩炆得又稔又鬆化，仲有充滿骨膠原嘅稔滑QQ牛筋添😍鮮蝦雲吞 $56淨雲吞有6隻，皮都算滑，餡料正常發揮，蝦肉都幾爽口。澳門炒飯 $78好足料，有燒肉、蝦仁、葡國蠟腸，炒得米飯粒粒分明，幾香幾惹味😋