翠豐冰廳

營業中

休息中

見新開，食飯多個選擇，本來雙贏。點知遇著個黑面侍應，都幾無癮。坐底都9:30am ,入到去吉位大把，侍安排我坐單人卡位。點知一坐底就覺得凍，原來頭頂有幾把風扇。天氣岩岩轉涼，冷氣加風扇真係頂唔住，見窗邊有位就調過去。侍應呀姐就好話我調位。同佢解釋凍，問佢風扇可唔可以唔熄，又扮聽唔到。然後”那翻揸沙”話多人要搭枱，我應佢好呀，多人未搭。再問拎杯水想話好忙，叫我自己斟，望天花又唔見自助水吧字眼。有客入真係想叫佢搭我枱，人地見半間吉位，睬你都膠，真係小家到死。其實都過左繁忙時間，洗唔洗咁執著砌磚式安排座位？我食完十分鐘都閃人啦，唔洗做咩！？講番個早餐，其實麻麻地。隻蛋又唔係即煎，食落凍既。除左牛肉奄得入味，其他野賣相，味道一般以下。間野留番比隔離酒店，貪方便食個飯既客吧。