影片
更多
2017-09-11
2445 瀏覽
總體來講非常推介三五知己一齊嚟品嚐下唔同嘅中東口味，飲杯嘢傾傾計！環境兩個人難得出到黎港島，順便搵吓特別嘢食。最終決定試一試嚟間餐廳，可以同時試多個中東國家既特色。星期日晚上7:50一嚟到就有位，餐廳有大概3、4檯客人。燈光昏暗有情調，空間唔喺特別寬敞但尚算舒適，不過無位置擺手袋。👍🏼廁所雖然細，但係乾淨企理。菜品溫馨提示：叫既兩道菜都份量充足，如果似我哋女仔一般食量的話可能要酌量叫嘢食。我哋最終都要打包走半份主菜，未能品試甜品。1）迎賓小食「Pickled Olives 醃橄欖」：無核，味道濃，偏鹹帶酸。應該喺有用橄欖油、洋蔥、洋芫荽/番茜、檸檬汁、紅辣椒碎（唔辣）及香料醃製。雖本人不太喜歡橄欖，朋友話味道ok所以也品嚐了。2）頭盤「Egyptian Mezze Platter 埃及什錦小食拼盤」 ($198)：建議2-3人分享，雖然偏貴，不過可以一次品嚐多種摩洛哥/利比亞等異地小食滿足貪心既我。包括：- Sahara Bread 彼特餅：兩塊，一塊小麥粉製，一塊白面粉製，暖暖哋。- Hummus 鷹嘴豆泥：順滑，細膩帶啲沙沙既口感，爽口有營養。不過個人比較喜歡加多啲檸檬汁調味既hu
環境
兩個人難得出到黎港島，順便搵吓特別嘢食。最終決定試一試嚟間餐廳，可以同時試多個中東國家既特色。
星期日晚上7:50一嚟到就有位，餐廳有大概3、4檯客人。燈光昏暗有情調，空間唔喺特別寬敞但尚算舒適，不過無位置擺手袋。👍🏼廁所雖然細，但係乾淨企理。
菜品
溫馨提示：叫既兩道菜都份量充足，如果似我哋女仔一般食量的話可能要酌量叫嘢食。我哋最終都要打包走半份主菜，未能品試甜品。
1）迎賓小食「Pickled Olives 醃橄欖」：無核，味道濃，偏鹹帶酸。應該喺有用橄欖油、洋蔥、洋芫荽/番茜、檸檬汁、紅辣椒碎（唔辣）及香料醃製。雖本人不太喜歡橄欖，朋友話味道ok所以也品嚐了。
2）頭盤「Egyptian Mezze Platter 埃及什錦小食拼盤」 ($198)：建議2-3人分享，雖然偏貴，不過可以一次品嚐多種摩洛哥/利比亞等異地小食滿足貪心既我。包括：
- Sahara Bread 彼特餅：兩塊，一塊小麥粉製，一塊白面粉製，暖暖哋。
- Hummus 鷹嘴豆泥：順滑，細膩帶啲沙沙既口感，爽口有營養。不過個人比較喜歡加多啲檸檬汁調味既hummus。
- 👍🏼Lamb Kofta 烤羊肉餅：非常香口，濃郁，香料繽紛，層次豐富。羊肉唔會太過碎、太過「蘇」或者太過老，如果可以配上乳酪醬就更好啦。
- Baba ghanoush 茄子沾醬：凍上，主角喺軟膩既茄子泥，再有爽脆既紫洋蔥。味道新鮮特別。
- Zaalouk 茄子番茄沾醬：凍上，口感同上差不多，不過加入蕃茄令味道酸啲更清新。香料眾多，有風味。
- Falafel 炸蔬菜豆泥餅：唔油，整成餅形狀而唔係球型，令口感較挺不過偏乾。豐富既不同香料，突出既洋蔥、番茜、蒜頭香料等。
- Feta Cheese 希臘山羊芝士：濃郁咸香，切成小塊既芝士，口味較重。
- Moroccan Cigars 山羊芝士春捲：個人覺得似土耳其 Sigara Boregi。炸得脆，裡面放滿香濃creamy既芝士。熱辣辣，加咗分。建議放多啲薄荷或香料增添層次，大家食嚟個既時侯可以考慮沾拼盤入面既沾醬。但喺個人認為做成細長形會無咁膩，同令口感更美味。
- Olives 醃青橄欖：可惜同歡迎小食重複。
- Mixed greens 什錦沙律：拼盤中間有啲新鮮既蔬菜加黑醋醬，份量不多（我哋鍾意食菜）。
3）👍🏼主菜「Lamb Tagine 塔吉鍋炖羊」 ($168)：入面有五塊以上香軟嘅羊肉（無骨啱晒我啲懶人）、薯塊、胡蘿蔔，並以青橄欖、杏仁佐味。材料全部喺個特色Tagine土鍋炖到軟淋淋，羊肉香汁鎖住曬，好滋味。另外仲加上白芝麻、碎番茜、杏脯及棗干裝飾吊味。啱啱上檯時仲有啲咋咋聲咁，熱辣辣香氣十足。嚟道菜唔會話好似咖哩咁有好重既香料，香嫩既羊肉及肉汁喺重點，應該可以滿足大多數人既口味。
4）主菜配菜「Couscous 北非小米」 ($40)：乾爽鬆軟，細粒均勻，會有些少提子乾同埋番茜碎做配料/裝飾。Couscous呢道「小米」用嚟餸Tagine很好，吸晒啲肉汁好可口。不過有啲人就會覺得太為清淡啦。
飲品方面由於我哋唔太飲酒就無特別叫。我哋話要水，工作人員都好好，俾咗我哋一人一杯清水（常溫，有片檸檬）。
服務
餐廳工作人員態度友好，會主動幫忙推薦或介紹菜式，需要英文溝通。佢哋都會時常攞走空碟，我哋食完前菜又會幫我地換碟。
需要改善：本身我哋配菜其實係叫Saffron Rice，不過嚟咗Couscous。唔排除有溝通錯誤，我哋OK都照食～味道不錯喺美麗的誤會。另外燈光較為昏暗，所以添水可能需要提醒吓。最後就喺建議提供叫咗有中東包菜式嘅客人濕毛巾抹手，用餐更衛生。
Lamb Tagine 塔吉鍋炖羊 $168 & Couscous 北非小米 $40
$208
249 瀏覽
0 讚好
0 留言
Egyptian Mezze Platter 埃及什錦小食拼盤
$180
258 瀏覽
0 讚好
0 留言
Welcome Snack 迎賓小食 - 醃橄欖
141 瀏覽
0 讚好
0 留言
張貼
