小曼谷泰國美食 (教育路) (已結業)

今日去元朗買海味, 附近原來都有間小曼谷泰國菜館, 懶得煮飯, 就要些外賣回家吃, 食吓正宗泰國菜, 由於是即叫即制, 所以都要稍作等候。回到家中, 外賣食品仍然熱辣辣。泰式柚子沙律 柚子蜜味清甜, 蝦球新鮮爽脆, 還有炸過嘅椰絲, 充滿椰香和泰國風味。招牌海南雞雞肉幾有雞味, 味道較為清淡, 唔會感覺油膩。咸魚炒芥蘭芥蘭新鮮爽脆, 大大件鹹魚充滿鹹香, 既香口又有鑊氣。黃咖哩牛腩 黃咖哩味道溫和, 淡淡黃色又帶椰香, 牛腩腍滑酥軟, 薯仔也很入味, 充滿泰式風味, 咖哩汁配飯相當醒胃。泰式肉片炒米粉份量和鑊氣十足, 肉片軟弱, 米粉爽口幼滑, 炒得乾身又彈牙, 鹹度又適中, 不會有油膩感。