Dodam Chicken (利舞臺廣場)

營業中

休息中

突然間興起想食韓國炸雞，今晚約咗男朋友去銅鑼灣利舞臺廣場。一入到去見到間餐廳好大，仲有電視睇添。見到餐牌有好多唔同款嘅炸雞，首先佢有分無骨同有骨嘅炸雞，有骨用曬成隻雞件，無骨用雞胸肉，我哋懶人選揀無骨，而且仲要係咸蛋口味嘅炸雞，色澤金黃，一咬落去香脆可口，配上香濃的咸蛋黃，十分美味，一啖一口，之後再配埋酸蘿蔔，好滿足！韓式粉絲卷配年糕粉絲炸紫菜包住滿溢的粉絲，外脆內軟的，令人驚喜年糕粉絲份量好足，顏色睇落好似好辣咁，食落去甜帶少量辣，里面晶瑩剔透的粉絲配上煙靭的年糕，還另加一些魚片，蔬菜等，醬汁係微辣加少少甜，食落去好開胃。最後仲叫埋Korean drink，一邊飲汽水一邊解油膩！