兆萬一直都好多放題，我地喺樓下見到呢間放題新開，所以試下啦！我地大概7點半入到黎，都未算好多人，餐廳唔算好大，雖然係平日但都建議打電話問下有無位或者訂位先🤔我地坐底左半個鐘左右就已經開始多人，坐左7成滿啦！餐廳既裝修有日式居酒屋既風格，周圍都係日式旗幟同唔同既清酒樽🍶，都幾特別
值得一提既呢度服務態度好好，侍應主動介紹有咩好食，建議我地先叫刺身，亦推介我地試下個鍋🍲，跟住先再根據食物紙上既分類去叫野食
呢度既選擇真係好多，食物紙都已經有十幾張，要逐張慢慢睇都要睇幾分鐘🙈
海膽刺身係送既，另外我地先點刺身，因為未試過，就咩都點少少啦
海膽都幾新鮮，唔會好腥，配青瓜食口感更加清新
刺身種類都唔少，仲有生蠔tim！雖然唔算好大隻，但係都鮮甜，可以一試！另外，蝦都有幾款，甜蝦鮮味好重，帶子都好大粒，啖啖肉
食完刺身又點少得壽司🍣，我地為左留肚所以每樣叫一舊試下，油甘魚同火炙芝士海老係特別推介，其他都好新亇，分量剛好，唔會太大或太細
因為老公唔食牛既，所以我地叫左蟹鍋，蟹唔算多肉，主要都仰用黎入味，仲有青口，所以個湯都幾甜，值得試下
有三樣食物係我覺得必點既，分別係燒鰻魚，天婦羅同炸雞軟骨！！炸物都好香好脆，一定要試
