蘇媽.蘇媽馬來西亞茶餐室 (已結業)

出開深水埗，突然醒起一直好想食嘅蘇媽蘇媽，即刻行去先，星期五中午十二點半左右去到，好彩唔使等位直入。唔肚餓，冇叫主食，叫咗兩份咖央多士，好正，多士烘得好脆又鬆化，咖央醬好香椰味，正呀，之前冇食過咁重椰味嘅咖央醬，又唔太甜，搽滿成塊麵包，好好食另外叫咗3條沙嗲串燒，豬牛雞各一，比較細條，肉有啲韌，普通啲，但沙嗲醬好大兜，同個醬係好味嘅嘢飲叫咗凍檸檬薏米水同凍馬來西亞拉茶，檸檬薏米水好飲，唔太甜，好大陣檸味，幾大杯，馬來西亞拉茶正常，一飲甜咗啲，啲冰融咗就好啲會再去食咖央多士下次試埋主食先