影片
更多
2021-02-27
1645 瀏覽
🎈Coti (鴻圖道) (觀塘)🔍觀塘鴻圖道90號地舖平日返工都係港島，所以週末成日都想離開港島，去下唔同嘅地方玩。上個週末就過嚟觀塘嘅工廠大廈shopping，順道試下呢間未食過嘅coffee shop🍽。餐廳位置黎APM大概有5分鐘距離，雖然木系嘅裝修幾雅緻，但座位空間唔算太大，見到大部份人都係黎買外賣🍴。🥚原條鰻魚滑蛋飯 $88：無論係鰻魚定係滑蛋份量都非常巨型，實身嘅炒蛋同其蛋液部份比例各佔一半，入口軟滑，係名副其實嘅滑蛋。鰻魚厚身得黎唔算太多骨，燒汁份量恰到好處，唔會過分濃烈，加上有木魚同沙律菜伴碟，無論造型定味道都足夠吸引。🥯蛋沙律煙三文魚貝果配新鮮沙律 $69：每次咬落貝果，蛋沙律都爆曬出嚟，非常足料，加上片片香脆煙肉，鹹度剛好。更令我印象深刻嘅係，帶一層薄薄煙熏香嘅煙三文魚，望落色澤鮮豔，脂肪條紋清楚利落，魚肉更係嘅鮮味突出，三文魚獨有嘅魚肉香氣餘韻持久。☕咖啡：佢哋嘅咖啡款式眾多，三心兩意揀咗好耐之後，就揀咗🍯蜂巢咖啡（$48）同🍋檸檬蘇打咖啡（$48），兩杯咖啡都有附送一粒咖啡造型蛋糕。咖啡啡底極其濃郁，造型別出心裁，蜂巢咖啡甜度自然，檸檬蘇打咖啡則清新醒神，若要揀
🔍觀塘鴻圖道90號地舖
平日返工都係港島，所以週末成日都想離開港島，去下唔同嘅地方玩。上個週末就過嚟觀塘嘅工廠大廈shopping，順道試下呢間未食過嘅coffee shop🍽。
餐廳位置黎APM大概有5分鐘距離，雖然木系嘅裝修幾雅緻，但座位空間唔算太大，見到大部份人都係黎買外賣🍴。
🥚原條鰻魚滑蛋飯 $88：
無論係鰻魚定係滑蛋份量都非常巨型，實身嘅炒蛋同其蛋液部份比例各佔一半，入口軟滑，係名副其實嘅滑蛋。鰻魚厚身得黎唔算太多骨，燒汁份量恰到好處，唔會過分濃烈，加上有木魚同沙律菜伴碟，無論造型定味道都足夠吸引。
🥯蛋沙律煙三文魚貝果配新鮮沙律 $69：
每次咬落貝果，蛋沙律都爆曬出嚟，非常足料，加上片片香脆煙肉，鹹度剛好。更令我印象深刻嘅係，帶一層薄薄煙熏香嘅煙三文魚，望落色澤鮮豔，脂肪條紋清楚利落，魚肉更係嘅鮮味突出，三文魚獨有嘅魚肉香氣餘韻持久。
☕咖啡：
佢哋嘅咖啡款式眾多，三心兩意揀咗好耐之後，就揀咗🍯蜂巢咖啡（$48）同🍋檸檬蘇打咖啡（$48），兩杯咖啡都有附送一粒咖啡造型蛋糕。咖啡啡底極其濃郁，造型別出心裁，蜂巢咖啡甜度自然，檸檬蘇打咖啡則清新醒神，若要揀一款更鍾意，個人就會揀咖啡味道更突出嘅蜂巢咖啡，伴上一口咖啡造型芝士蛋糕，完美。
-----
👶🏻B仔整體評價：7.8/10個👍🏻
👶🏻B仔抵食程度：7.5/10個👍🏻
👶🏻B仔環境評分：7/10個👍🏻
👶🏻B仔味道評分：8.5/10個👍🏻
👶🏻B仔回頭機會：8/10個👍🏻
張貼
