影片
更多
2023-08-06
41 瀏覽
🍸熊妹同𡃁妹各有各忙，好耐冇見啦，咁多嘢要update，梗係搵間坐得舒服的靚靚餐廳細聲講大聲笑啦。📌熊妹知道太子酒吧街🍺近排開咗間好有格調的兩層咖啡店酒吧餐廳《2 Soon Cafe》，絕對啱晒鍾意飲咖啡☕️的熊妹同埋鍾意飲酒🍾的𡃁妹啦。📌酒紅色拱門嘅設計鶴立喺酒吧街🍺入邊，再配合柔和嘅燈光打燈，非常搶眼。👀📌入到去店舖，燈光好鮮明，望落去得幾張二人至四人枱，原來有樓上雅座㗎。📌店員會帶路，搭𨋢上一樓，樓上空間大啲，有三張梳化圓枱，可以坐六七個人，亦都有幾張二至四人枱，餐廳加埋上下層都幾大。📌晚餐無套餐提供，全部都係散叫。大路嘅Cafe食物都有，由小食到意粉到主食到甜品都有齊，飲品方面除咗咖啡店應有嘅咖啡之外，夜晚仲可以有酒類飲品叫，可以輕鬆chill吓。煙三文魚蕃茄牛油果沙律， $78📌食主食之前就梗係要食個沙律墊下個胃先啦。擺盤真係好靚，煙三文魚花🌷放喺一片綠油油嘅牛油果蓉上面，側邊仲襯托住幾粒紅噹噹的蕃茄粒，紅紅綠綠的食材，賣相已經好吸引。煙三文魚花拆開有三大塊，煙燻味鹹鹹地，肉質唔散，食落唔似平價貨，連埋牛油果蓉一齊食，可以慢慢滲出淡淡嘅牛油果香味🥑，估唔到味道可以咁夾。再食返粒
📌熊妹知道太子酒吧街🍺近排開咗間好有格調的兩層咖啡店酒吧餐廳《2 Soon Cafe》，絕對啱晒鍾意飲咖啡☕️的熊妹同埋鍾意飲酒🍾的𡃁妹啦。📌酒紅色拱門嘅設計鶴立喺酒吧街🍺入邊，再配合柔和嘅燈光打燈，非常搶眼。👀
📌入到去店舖，燈光好鮮明，望落去得幾張二人至四人枱，原來有樓上雅座㗎。
📌店員會帶路，搭𨋢上一樓，樓上空間大啲，有三張梳化圓枱，可以坐六七個人，亦都有幾張二至四人枱，餐廳加埋上下層都幾大。📌晚餐無套餐提供，全部都係散叫。大路嘅Cafe食物都有，由小食到意粉到主食到甜品都有齊，飲品方面除咗咖啡店應有嘅咖啡之外，夜晚仲可以有酒類飲品叫，可以輕鬆chill吓。
煙三文魚蕃茄牛油果沙律
$78
1 瀏覽
0 讚好
0 留言
📌食主食之前就梗係要食個沙律墊下個胃先啦。
擺盤真係好靚，煙三文魚花🌷放喺一片綠油油嘅牛油果蓉上面，側邊仲襯托住幾粒紅噹噹的蕃茄粒，紅紅綠綠的食材，賣相已經好吸引。
煙三文魚花拆開有三大塊，煙燻味鹹鹹地，肉質唔散，食落唔似平價貨，連埋牛油果蓉一齊食，可以慢慢滲出淡淡嘅牛油果香味🥑，估唔到味道可以咁夾。
再食返粒蕃茄仔🍅，可以清新吓口腔的煙燻鹹味，呢個頭盤沙律唔係好似淨係食沙律菜咁，開胃之餘又幾特別。
酥炸雞件配香辣花生醬
$88
5 瀏覽
0 讚好
0 留言
📌食完沙律開咗個位胃，就食個小食過吓口隱先。𡃁妹話想試吓呢個香辣花生醬，好似又好幾特別。
炸雞件都有好多舊，起碼五六嚿，酥炸嘅方法就係外皮沾滿炸粉粒，識落炸皮會厚啲，不過就酥脆啲，入面雞肉位都唔細舊，雞肉唔鞋口，不過唔會話爆雞肉汁出嚟。
食香口酥炸嘢梗係要點醬啦，呢個醬相信就係呢款小食的精髓-香辣花生醬。醬汁比較濃稠，杰杰地，花生醬🥜本身都味濃，仲調製咗辣味喺入邊，令到成個醬更加濃味，辣辣地又鹹鹹地，平時出邊食嘅炸雞係灑上辣粉，而家係將辣味調入左喺醬入邊，濕潤啲咁食，點醬仲好味，真係幾特別幾惹味。
紅酒燴牛臉頰伴忌廉薯蓉
$188
2 瀏覽
0 讚好
0 留言
📌主食點左牛臉頰肉，睇下廚師紅酒燴菜的功架先。💪🏻
以白色嘅薯蓉做底，襯托酒紅色嘅牛臉頰肉，強烈嘅深淺對比，令到主角更加突出。
紅酒燴牛臉頰伴忌廉薯蓉
$188
6 瀏覽
0 讚好
0 留言
最開心又係有多粒蕃茄仔🍅，酸酸甜甜又可以清新吓口腔嘅味道，好味！
自家製西班牙油炸鬼·熱朱古力醬·肉桂糖·雲呢拿雪糕
$78
8 瀏覽
0 讚好
0 留言
📌食完咁多主食都飽飽地，不過甜品係另一個胃嚟嘅，點都要試吓一款啦。
𡃁妹好鍾意食churros，甚至會買啲現成急凍包裝返屋企自己焗熱食，咁當然就揀呢款嚟試吓啦。
自家製西班牙油炸鬼·熱朱古力醬·肉桂糖·雲呢拿雪糕
$78
0 瀏覽
0 讚好
0 留言
跟上嘅雲呢拿味雪糕🍨有淡淡的牛奶味，同churros一齊食，冷熱交融，真係最佳配搭。
Lemon Fizz（右），Yuzu Sunshine（左）
$68
2 瀏覽
0 讚好
0 留言
📌來到晚上梗係唔飲咖啡啦，咁就飲番杯酒chill下啦。不過飲醉又唔係咁好，𡃁妹夜晚返屋企仲要趕工，咁就飲杯mocktail🍸代替下啦。
𡃁妹揀咗呢杯檸檬味🍋mocktail，顏色上面好吸引喎！上一層係用蝶豆花造成的紫色梳打，襯托住下邊一層淡黃色的檸檬蜜糖🍯梳打，強烈嘅顏色對比就係mocktail的吸引之處。
呢杯Lemon Fizz味道幾特別，佢係用上一種好特別嘅檸檬酸，酸得來帶一點回甘，加埋蜜糖烤少甜味，唔錯。
Yuzu Sunshine（左），$68
熊妹一眼就想揀呢杯柚子mocktail，上面係一層紅色的Cranberry Soda，下邊係柚子同埋青檸造成的淡黃色梳打，呢杯比Lemon Fizz酸少少，可能因為柚子青檸都係偏酸嘅味道，真係啱晒熊妹鍾意酸的口味。
📌《2 Soon Cafe》呢間咖啡店酒吧餐廳真係好chill，兩層的設計，有樓上雅座自成一角，同朋友行閒時嚟hea下飲下咖啡，或者放工一大夥兒上來把酒談歡，都係一個好適合嘅地方，下次認真weekend上嚟飲番杯酒chill下先。
張貼
