影片
更多
2021-10-28
240 瀏覽
廚師團隊會致力將呢個特別用餐體驗方式帶返店鋪，將咖啡作為食材原料之一，令大家感受箇中滋味同時理解咖啡粉之可塑性]經過上次於Nutmad@PMQ Coffee Agenda既一人餐室體驗後，得知佢地除左嘗試將中餐與咖啡一齊體驗外，廚師團隊亦嘗試將咖啡代入食材既原材料之一，希望可以為大家帶黎美食品嚐上既新衝擊。 雖然味覺之旅既名額非常搶手，但小編與老公都剛好搶得一席位，一齊去感受呢個味覺上既新感覺。響上菜前，Nutmad既大廚Joe為大家介紹既味覺之旅既內容，佢會利用1款前菜﹑1款主菜﹑1款甜品﹑以及1款特飲去帶出咖啡既特別之處。餐單內所有食材其實都係香港人日常都會品嚐到既菜式，但正正大家都習慣相關味道後，當某種成份轉為咖啡粉個陣，整個味道又會變成點呢？ 而團隊亦嘗試避免利用咖啡豆作為材料，以避免咖啡豆過度煮熟後而帶出過多既酸味，令大家只會有苦或酸既感覺。前菜：咖啡魚蓉燒賣 - 相信大家包括都唔會相信咖啡與燒賣之間既關係，廚師利用耶加雪夫咖啡粉代替胡椒粉，將燒賣當中70%以上既魚肉味道帶出，而同時因為咖啡粉既花香而令魚腥味降低，食落去唔似平時燒賣利用豬肉或者打膠既魚肉既實或黏，反而會有真正
經過上次於Nutmad@PMQ Coffee Agenda既一人餐室體驗後，得知佢地除左嘗試將中餐與咖啡一齊體驗外，廚師團隊亦嘗試將咖啡代入食材既原材料之一，希望可以為大家帶黎美食品嚐上既新衝擊。 雖然味覺之旅既名額非常搶手，但小編與老公都剛好搶得一席位，一齊去感受呢個味覺上既新感覺。
響上菜前，Nutmad既大廚Joe為大家介紹既味覺之旅既內容，佢會利用1款前菜﹑1款主菜﹑1款甜品﹑以及1款特飲去帶出咖啡既特別之處。餐單內所有食材其實都係香港人日常都會品嚐到既菜式，但正正大家都習慣相關味道後，當某種成份轉為咖啡粉個陣，整個味道又會變成點呢？ 而團隊亦嘗試避免利用咖啡豆作為材料，以避免咖啡豆過度煮熟後而帶出過多既酸味，令大家只會有苦或酸既感覺。前菜：咖啡魚蓉燒賣 - 相信大家包括都唔會相信咖啡與燒賣之間既關係，廚師利用耶加雪夫咖啡粉代替胡椒粉，將燒賣當中70%以上既魚肉味道帶出，而同時因為咖啡粉既花香而令魚腥味降低，食落去唔似平時燒賣利用豬肉或者打膠既魚肉既實或黏，反而會有真正魚肉既滑而唔會食到太強咖啡味。至於伴隨燒賣既醬汁，團隊利用自家Espresso咖啡粉，再落少少辣椒粉﹑大豆﹑南乳味等等物料去發酵，味道頓時搖身一變成為海鮮醬既豉油風味，呢個係小編非常有驚喜既菜色。 (希望燒賣關注組既朋友都會留意到而聯絡下大廚推出產品既可能性吧)
特飲：洛神花氣泡咖啡 - 本身係酸性比較重但非常有益既洛神花茶，利用氣泡及Espresso帶出甜酸感既風味。大廚都溫馨提醒我地要慢慢倒入氣泡內，咁樣就可以更加保留到咖啡沖出黎既氣泡感。
主菜：咖啡香料燒豬腩 - 一般大家聽到燒豬腩都會聯想到燒烤﹑肥美﹑脆口等等既形容詞。廚師團隊將燒豬腩所用既五香粉換成咖啡香料，既唔會令豬腩原本既味道流失﹑亦唔會因為部分五香粉既椒味而搶走食物原味﹑同時燒出黎會有煙薰既味道出現；豬腩亦為左唔會太乾身而會先蒸熟﹑再用自家既咖啡粉﹑丁香﹑失角﹑粉紅胡椒等等醃製，再風乾，然後先去燒熟。食落去個塊豬皮非常脆口，切割個陣飛出既粉末仲以為係燒燶既粉末個陣，原來係咖啡粉! 肉質好淋，絕對做到外脆內軟既感覺。
而至於醬汁都係用上Espresso粉，配合蜜糖芥末醬，令你有少少芥辣味道得黎因為咖啡既苦感又唔會太有油膩既感覺。
甜品：咖啡牛油菠蘿泡芙 - 究竟菠蘿泡芙既意思係咩？其實就係大家好常見既港式菠蘿油! 但為免客人食一般既菠蘿飽會過份飽肚，廚師特意將菠蘿飽原理應用於泡芙上。而當中兩款外觀非常相近既「菠蘿油」其實都大有學問 - 一款係利用椰子油﹑橄欖油，配合咖啡粉去帶出花香同煙薰味；另一款就係響意大利手造雪糕內加入咖啡粉，造成類似油塊既效果。兩款食落去會有冰凍既效果，但又唔會響口腔內有過多既油而令你覺得唔舒服。萬一有呢個感覺既話，就可以嘗試利用浸過檸蜜既菠蘿粒去中和一下。
整個味覺之選既體驗非常驚喜，當大家將享用開既食物既其中1樣材料轉成咖啡個陣，原來味道上都可以做到類似既效果，甚至會比原本既食材更健康﹑更有層次，期待Nutmad響未來會有更多特式咖啡食材既菜式可以響觀塘店出現吧!
繼上次一個人原來都可以盡興後，今次就係：咖啡原來都可以有咁多層次!
張貼
