間舖頭有少少神秘，在後街， 意想唔到閒日都坐滿， 有唔少捧場客。
叫咗幾份燒烤， 一份沙律兩份熟食加野飲。
和風豆腐沙律
用咗芝麻醬，豆腐好滑， 清清地好醒胃。
美國prime牛小排
份量唔少，有十塊 ，油脂分佈平均， 雖然未去到入口即溶但都好嫩滑。
鹽燒豬腩肉
切得好薄身，燒烤時間唔使太耐好易熟，本身有已經有鹽，已經好入味。
日本產阿波尾雞腿肉
就算燒耐咗， 肉質依然嫩滑，值得推介。
澳洲穀飼羊架
羊架切件上，方便進食同燒烤，都幾細心，肉質好嫩滑，而且一啲都唔騷， 值得推介。
三文魚子海膽炒飯
分量足，材料豐富，有三文魚籽元貝同海膽， 乾濕適中， 味道唔錯。
雜錦天婦羅
有大蝦、茄子、南瓜、蕃薯 ，件件都好大舊，新鮮炸起，外脆內軟， 認真不錯。
熱情果特飲
食咗咁多燒烤同熱氣嘢， 真係唔可以少咗杯特飲來降降溫，舒服曬。
1
