圓圓小姐 (快樂大廈)

營業中

休息中

今日帶姨甥女去咗銅鑼灣行街街，行到攰攰地經過利園山道見到圓圓小姐，之前一直都好想試嘅王牌鮮奶三重奏，知道姨甥女又最鍾意飲珍珠奶茶就帶佢入去試一試。大嘅鮮奶三重奏($36)，三重奏係指黑糖珍珠、芋圓同仙草，三款食材同鮮奶撞埋一齊，實在太滿足啦！珍珠屬於非常煙韌既珍珠 好有口感！ 雖然放埋一齊芋圓唔算相當突出，但大大粒煙煙韌韌，真係好有咬口，可以口到慢慢咀嚼!佢既鮮奶係真係用鮮奶沖既！ 啲鮮奶好濃郁 😚。菠蘿提子果茶大($41)果茶非常清新，濃郁嘅水果味同茶香味融合，唔怕飲到好流，亦非常解渴。下次再黎銅鑼灣一定要試其他口味，因為款款真係好吸引。😍😍