是但求其食 (已結業)

有一日夜晚同老公諗唔到食乜好，然後行吓行吓就嚟咗呢間餐廳叫做是但求其食，同我哋嘅狀況好貼切，所以我哋就決定咗入去食啦，坐低咗之後望到牆身成個海底世界咁，仲有條大鯊魚，喺度魚樂無窮，好得意，店員俾咗Menu我哋，我哋就叫咗黑松露野菌Pizza，明太子海鮮燴意粉，同埋炸芝士條，坐低之後原來都仲有餐湯同埋餐包比你嘅，餐包佢哋係蒜蓉多士，脆卜卜，二餐湯就係雜菜湯，味道濃郁，配料夠多👍🏻👍🏻👍🏻然後炸芝士條就來到啦，聞到超級香，脆卜卜，一口咬落去有拉絲嘅口感，當然呢啲要趁熱食先好食，然後就係明太子海鮮燴意粉，意粉用咗扁扁地嘅意粉，味道都唔錯，有幾隻大蝦，蝦都新鮮彈牙，最後就係黑松露野菌Pizza，超期待呢個，因為本人比較鍾意食野菌，你都好香菇味，薄餅底係脆卜卜嗰隻，配料嘅雜菌都好多，唔會少，入口好香黑松露味，整體都OK唔差，最後我哋叫咗一壺杞子菊花茶同埋一杯鴨屎香凍檸檬茶，花茶係會有蠟燭可以俾你溫暖住慢慢飲，而鴨屎香凍檸檬茶，其實我都唔知鴨屎香係啲乜嘢，但係呢杯凍檸檬茶望落去同普通檸檬茶一樣，但係飲落去同一般嘅檸檬茶味道有少少唔同，佢比較香，味道亦都特別，但係唔難入口，個人都覺得幾好味👍🏻👍🏻👍