Flat Iron Deluxe (已結業)

無端發現，Office旁個酒店樓上有間扒房做緊逢星期二T-bone扒半價！好誇張真係半價！原價$1098 (2人份)，果然個經濟差間間餐廳都出絕招。我同同事立刻上去驗證下有無花有無假先🤣講真個餐廳環境都幾chill，仲有露天位，成個感覺一望就知係外籍人做老闆。坐底就立刻order返個星期二優惠，半價T-bone先，順手要多2杯紅酒(食扒點都要配紅酒啦哈哈)，個紅酒by glass最貴都係$58真係好驚訝，平到誇張，好彩飲得出唔係溝左水。分享下個T-bone扒食後感，一句講晒：抵到癡線！首先大讚下個扒夠大份，外皮好夠脆仲有少少炭燒香味，生熟度做得好好，大大值回票價，平過去city super買，仲要自己煎野洗野！至瘋狂係叫扒食仲包大兜薯條同沙律!!!!!好離譜🤩一扒一啤兩紅酒，七百幾埋單，無野好講，我都怕個老闆咁慷慨會唔會做唔住架?為認證我無收人錢寫食評，我上upload埋張單做證先。