低調高手大街小食

營業中

休息中

今日七月一日咁放假我就去啲筲箕灣東大街，諗住下午三點四點無咁多人去掃街。其實今日選擇去筲箕灣東大街都係因為呢間「低調高手大街小食」嘅雞蛋仔，太耐無食真係想食下。講真我由2008年開始係東大街打躉，由「高登炸雞」、「高登村姑」，見證住呢間「低調高手大街小食」雞蛋仔開舖。由當初，佢賣緊$12一底原味雞蛋仔。到呢定$24一底，足足升咗一倍！但我想講嘅係，今日肥老闆休息唔係度，一個中年光頭佬，加兩個廿歲細路仔企舖！咁一聽到就要等30分鐘一底雞蛋仔都痴孖筋！之後我叫個黃金雞蛋仔，頂！不知所謂，又燶又盛！$36我買個叉飯好過啦。肥老闆，希望你睇到，呢個雞蛋仔同你初開業果陣，真係唔同咗好多！錢唔係問題，請你做返以前嘅味道。 你咁難食真係遲早做唔住啦。