馬哥孛羅咖啡廳

今日食咗9點到10點時段嘅早餐，好少食酒店自助餐係剛剛夠飽，因為食物refill得非常慢，令到選擇好少，可能係最後一節早餐啦。出咗去3次都唔見大家講嘅燒賣同煙三文魚，幾失望。食物味道就唔差嘅。薯餅好脆，唔係放咗好耐個種。腸仔同煙肉都唔算太咸。估唔到有壽司類食物，份量剛剛好，外型可愛，不過係屋企都做到嘅味道。干燒伊麵乾身，味道唔錯。比較驚喜係呢度粉麵可以揀炸醬麵，辣辣地嘅炸醬配幼麵，麵質軟硬口感好好，加左湯令個炸醬冇咁辣，拯救咗仲未夠飽嘅我。牛肉粥冇咩牛肉，不過都夠味。餐廳環境都寬敞。不過遲起身嘅人就唔太推薦係度食早餐，如果唔係好快又會肚餓。