影片
更多
2022-11-25
65 瀏覽
媽媽生日帶佢食佢最愛既omakse！呢間系我提早book定，生日當日無同媽媽講食咩，直接帶佢去既驚喜，當然佢非常喜歡今次既驚喜，由食物、環境，以至服務都好滿意，師傅好詳細介紹每一道菜既做法，令我地學到吾少野。今次揀左$780既set lunch。一開始會上前菜、茶碗蒸同水雲藻，茶碗蒸表面有香濃既黑松露，雞蛋蒸得夠滑，入面有好多款海鮮。食完前菜就會上刺身4品，貌相精緻又高貴。旁邊以紫蘇花、四季紅、菊花瓣作裝飾，全部花都可以食用，睇得又食得。赤貝：師傅會拍打一下赤貝，令赤貝即時收縮，食落個口感會較為爽口。北海道仙鳳趾生蠔：生蠔夠新鮮同有微微鮮甜，加上金箔令生蠔變得更高貴。油甘魚：魚皮有微微燒過，魚肉好軟嫩，配埋柚子胡椒帶點微辣，之後再有魚香味。松葉蟹肉：蟹肉已預先拆好，味道好鮮甜。料理1品：汁煮呑拿魚鮫店員會細心講解呑拿魚鮫會連住一片魚皮，魚皮會有魚鱗，需要預先拆開再食，另外中間有一舊大既魚鮫骨位，拆走哂後再食就可以。近呑拿魚鮫既魚肉會比較嫩滑，入口即化，配上甜甜地既醬汁好夾。壽司8貫富山灣白蝦：蝦肉晶凝通透，夠鮮甜。中拖羅：拖羅食落無筋，加上金箔同法國魚子顯得矜貴。腦天：呑拿魚既天靈蓋，
今次揀左$780既set lunch。一開始會上前菜、茶碗蒸同水雲藻，茶碗蒸表面有香濃既黑松露，雞蛋蒸得夠滑，入面有好多款海鮮。
食完前菜就會上刺身4品，貌相精緻又高貴。旁邊以紫蘇花、四季紅、菊花瓣作裝飾，全部花都可以食用，睇得又食得。
赤貝：師傅會拍打一下赤貝，令赤貝即時收縮，食落個口感會較為爽口。
北海道仙鳳趾生蠔：生蠔夠新鮮同有微微鮮甜，加上金箔令生蠔變得更高貴。
油甘魚：魚皮有微微燒過，魚肉好軟嫩，配埋柚子胡椒帶點微辣，之後再有魚香味。
松葉蟹肉：蟹肉已預先拆好，味道好鮮甜。
料理1品：汁煮呑拿魚鮫
店員會細心講解呑拿魚鮫會連住一片魚皮，魚皮會有魚鱗，需要預先拆開再食，另外中間有一舊大既魚鮫骨位，拆走哂後再食就可以。
近呑拿魚鮫既魚肉會比較嫩滑，入口即化，配上甜甜地既醬汁好夾。
壽司8貫
富山灣白蝦：蝦肉晶凝通透，夠鮮甜。
中拖羅：拖羅食落無筋，加上金箔同法國魚子顯得矜貴。
腦天：呑拿魚既天靈蓋，每條魚只有2片，非常矜貴既部位。腦天同壽司飯之間放左柚子胡椒，今次會先食到腦天既魚味，之後會都淡淡既柚子胡椒味。
秋刀魚：時令當做，以薑葱漬同彩色既芝麻，輕輕帶起秋刀魚既味道。
右口魚邊：師傅會將右口魚邊燒灼過，令筋位燒斷，所以入口即溶，而且魚油比較多，好肥美，最喜歡既一件。
蛇腹拖羅：芝麻青蔥漬，魚味好突出，雪花紋同油分比較多，同樣入口好肥美。
甜蝦：師傅即時將隻蝦拍成蝦膠，再放落鱈魚片上，倒左啲用蝦頭、蝦殼熬製而成既蝦頭汁系面。蝦膠好黏口，鱈魚片好脆，有強烈對比，而且好香濃既蝦鮮味。
帶子：浸左一陣醬油再用火槍燒一燒既帶子，再用帶有少少鹽味既紫菜包住，雙重咸香既味道，帶子同樣鮮甜。
最後系雲丹盛，魚子海膽丼，滿滿既魚子同海膽蓋滿哂啲壽司飯，再用顏色出眾既紫蘇花同金箔作裝飾，貌相相當靚！
海膽完全無腥味，魚子大大粒，另外可以加之前既右口魚邊燒完多出黎既魚油加醬油落丼飯到，會多左一份燒魚油香味。
最後以甜品作總結，是日甜品系焙茶奶凍。焙茶奶上面倒左淡奶同甜甜既紅豆蓉，焙茶味香濃又吾會蓋過奶既味道，好balance，非常喜歡既甜品。
呢度座位吾多，一眼睇哂10張左右，lunch time都坐滿哂人，證明有返禁上下實力。
張貼
