我同朋友一坐底已經有一壺花茶（應該係檸檬味花茶）放係度飲用，後來先知原來係跟餐嘅花茶，冇其他飲品選擇。
點左2個餐。加一個愛心靚湯$38-（點餐個女仔係唔識中文。需要講英文點餐）
前菜係芽菜，佢餐牌就一個餐跟一個前菜。
我地2個都係一碟，後面坐左3個都係一碟。
芽菜有點麻辣香。食落都辣辣地。味道可以係分量略小
愛心湯一壺，應該係薯仔蕃茄煲魚湯，味道濃厚好香，薯仔淋身，好香魚味。分量都有3小碗左右。2個人都ok.
招蕃茄牛肉飯$78-
蕃茄汁撈左落d飯度。配上3色椒都唔錯。
牛就係肥牛黎。都可以接受。分量女士都夠。
馳名咖哩雞飯$78-
講真。佢個咖哩同大家樂個個味係差不多
我覺得。多幾粒提子。分量都幾小。唔太飽。雞肉都ok嘅。不過有一件未熟。入面粉紅色。。
最後2個人午餐食左$194-
都幾貴下。每人接近$100-
應該唔會再點黎食。太貴。
1
