咖吔

營業中

休息中

平日收左工去東港城，見到有間食東南亞菜既餐廳裝修唔錯，就入去試下食佢。新加坡喇沙米線 ＄８２喇沙係南洋最有代表性既料理，當然要試試佢。喇沙既湯底香濃，帶有陣陣椰香味同辣感，食得好爽。配料既份量亦好多，有蝦，豆卜，魚蛋等等，一大碗夠食有突。海南雞飯拼喇沙米線 ＄１０８首先，呢度既海南雞係無骨既，岩哂我呢d懶人。海南雞食落好嫩，唔會有雪藏味，雞皮爽口彈牙，配以雞飯有既黑醬油簡直係絕配。雞油飯既脂香味好香，令人食唔停口。咸蛋黃魚皮 ＄６８呢個基本上都係必點，即炸魚皮再加上熱辣辣既咸蛋黃，十分邪惡，一定要試。炒通菜（蝦頭膏） ＄７２通菜炒得爽口，蝦頭膏既味道好鮮，食落唔會死咸，可以一試。