潮龍園

營業中

休息中

午餐時間去到河畔，想食嘅都要排隊，可能是星期日吧！正在發愁要吃甚麼，發現一間新開的粉麵店，門口排了少許人，好彩一位不用等，幸運🤩🤩坐低未夠一分鐘，店員就要求我坐另一張枱，因為張枱可以坐兩位😩，明白地方淺窄，不過呢個處理方法並不理想，亦係香港餐廳經常犯的錯！佢哋餐牌都算大，有飯有麵有小吃，不過實在人多，未有認真睇完我已經叫了一碗牛雜河走肚+凍檸茶。廚房出餐都算快，不用等太耐，份量十足，湯略嫌偏淡，牛雜味道正常，火候準確！不過辣椒油就唔掂，完全冇渣剩係得油，失敗！用餐途中不停聽到店員送錯枱和落錯單，可能新開店大家未熟習，總括嚟講是合格的一餐！是日消費：牛雜河就到肚$35 凍檸茶$8 共$43