影片
更多
2021-08-15
320 瀏覽
疫情下無得出遊，第一掛住既係日本，排第二就係台灣啦既然冇得出走，唯有揾D嘢食止下引。呢排喺中環出入多，朋友話試下kiki麵，當時心諗，kiki麵我成日都喺屋企煮架啦，應該都係嗰D味道。不過都想食台灣野，好啦，就試下堂食係點既先。本身想叫 蟹黃油拌麵， 好似好特別， 但係又好想食麻辣， 掙扎咗一陣， 最終都係麻辣戰勝咗理智， 最終叫咗麻辣肉片紅白麵套餐。 套餐包括有一款小食， 當然叫我至愛嘅台式腸， 呢個腸係冇得輸嘅，去邊度食都係咁好味。 仲有一款台式飲品， 叫咗個白桃烏龍茶， 正常嘅味道， 唔太特別。麻辣肉片紅白麵， 辣味唔太重，要自己再加辣， 湯底唔算話太吸引， 反而配料有驚喜， 鴨血豆腐都好入味，麵質就係正常台灣麵Q彈嘅感覺。整體其實都好食嘅， 但係又未必會令到我想再去食， 因為價錢真係偏貴， 同埋IFC 嗰間坐得唔係太舒服 ，下午4點左右叫套餐$148 加埋一， 埋單要$163， 所以性價比唔太高。
既然冇得出走，唯有揾D嘢食止下引。呢排喺中環出入多，朋友話試下kiki麵，當時心諗，kiki麵我成日都喺屋企煮架啦，應該都係嗰D味道。不過都想食台灣野，好啦，就試下堂食係點既先。
本身想叫 蟹黃油拌麵， 好似好特別， 但係又好想食麻辣， 掙扎咗一陣， 最終都係麻辣戰勝咗理智， 最終叫咗麻辣肉片紅白麵套餐。
套餐包括有一款小食， 當然叫我至愛嘅台式腸， 呢個腸係冇得輸嘅，去邊度食都係咁好味。 仲有一款台式飲品， 叫咗個白桃烏龍茶， 正常嘅味道， 唔太特別。
麻辣肉片紅白麵， 辣味唔太重，要自己再加辣， 湯底唔算話太吸引， 反而配料有驚喜， 鴨血豆腐都好入味，麵質就係正常台灣麵Q彈嘅感覺。
整體其實都好食嘅， 但係又未必會令到我想再去食， 因為價錢真係偏貴， 同埋IFC 嗰間坐得唔係太舒服 ，下午4點左右叫套餐$148 加埋一， 埋單要$163， 所以性價比唔太高。
張貼
