金域冰廳

營業中

休息中

今日去銅鑼灣返工要做啲體力勞動工作，已經好攰好肚餓，諗住晏晝食飯可以好好享受，輕鬆一下，點知嚟到呢間餐廳中左招，體驗冇咁好。喺呢度嗌咗佢午市嘅臘味炒飯。秋風起，食臘味。不過估唔到佢嘅臘味飯份量偏細，唔係太夠我填飽肚，臘味畀得亦唔算多，淨係見到好多綠色嘅菜遍布成碟飯。最大問題係成碟嘢嘅味道偏淡，食落去冇咩味道，好清淡，調味有改善空間，當然有可能係我平時食得太重口味。仲有樣要提既係碟嘢上到枱已經覺得唔係好熱，飯係熱既，但係菜係凍既。價錢中中挺挺，算正常價。