牧羊少年咖啡館 (屯門市廣場1期)

營業中

休息中

今日同家人去曾咀拜祭完呀爸，就一齊坐車出屯門食午餐。呀妹話想食牧羊，所以特登嚟依度食。地點唔算方便，係角落位，要地圖協助先搵到。蕃茄湯好濃，食落有細溶既蕃茄肉，好有口感。鳳尾蝦意大利麵既蝦唔算多，但做到成碟意大利麵都有蝦味，幾唔錯。雖然唔算大碟，但女士都夠飽。白汁豬扒飯既白汁好滑，豬扒鬆軟，而且總共有兩塊，就算男士都絕對夠食。而且飯係加左黎麥，即刻感覺上健康左好多。燒雞唔算大隻，但好入味。雞肉好嫰滑，配上燒汁，唔錯。但唔係好夠飽。炸蕃薯條係即炸，炸得好脆而且唔油，比多一碟都唔怕多。水果冰真係估佢唔到。以為佢係橙汁加冰，點知果汁係果溶，有好濃既果肉&果味。