爸B燒

營業中

休息中

呢間野都食過幾次，今次食真心失望。首先，入到去就梗係睇下有咩優惠先啦，咁就見到豆腐卜$3一串，見咁抵梗係每人一串啦，叫咗4串。落完單，發現個牌轉咗，我哋幾個仲以為自己眼花，但本身影咗相睇返原來唔係眼花（原本係因為睇唔到先影），咁心諗轉優惠都好平常姐，個店員有冇同我哋講話冇咗原本個優惠，所以冇理照食。食完之後埋單，就知中伏，見到收咗原價，咁就問個店員（應該係老闆娘）啦，佢就好理直氣壯咁樣講個牌轉咗喎，我哋就話落單嗰陣未轉喎，仲話我哋係食咗原價嘅份量（優惠價應該會少啲），最後就話算啦太麻煩啦，收少你哋兩串錢啦。總結：我覺得唔係幾多錢嘅問題，而係你冇咗個優惠唔同人講，食完感覺好似俾人呃咗咁。大家食唔食就可以諗一諗。