鍋居火鍋專門店 (已結業)

難得一天放假，一於決定食番餐飽飽。兩個人又想食好d，唔使想，一定係去打邊爐啦！椒鹽鮑魚仔，至少兩隻上，一人一隻開胃菜，正！原隻鮑魚連殻上，有紅紅綠綠既椒加蒜好惹味，鮑魚好厚肉，咬落彈牙。叫左個特式鍋底，野菌冬瓜魚肚鍋，有新口味冬菇厚肉，冬瓜吸到d湯好甜，粟米和紅蘿蔔也新鮮，重點係魚肚，好厚身，滲透湯底既精華，好鮮甜好多汁既棉花！手切牛肉係打邊爐既首要菜式，牛肉切得厚薄適中，成碟牛肉塊塊有雪花，入口肥瘦均勻，甚有牛肉鮮味，少少肥的位置不會覺得肥膩，真甘香。一盤大既手切肥牛好快就清晒！白鱔片薄薄，滾一滾就捲起，入口脆口，味道新鮮！極品黑豚肉大大盤抵食，不會太肥，但入口肉味濃郁，薄切大讚！四寶丸就好特別，手打丸打邊爐特別惹味！手打鮮蝦丸入口有蝦肉，咬落彈牙手打墨魚丸白雪雪，咬落有墨魚粒，鮮味十足梅菜豬肉丸既味道濃一點，梅菜帶起豬肉丸既鮮味，入口滑嫩可口順德鯪魚滑有香香既鯪魚味道，有咬口，有鮮味配合自製蘋果雪梨茶，中和打邊爐既熱氣，甜度適中，帶有少少鮮果蓉，無添加，自然健康！